صعيدي رشح نفسه في الانتخابات كتب تحت صورته
وعسى أن تكرهوا شيئا وهو خير لكم
************ ********* ****
صعيدي رجع من الشغل لقى مراته مطبختش فزعل ودخل نام
فحبت تصالحه قالت له أعمل لك مساج؟؟ قال لها عليا الطلاق لو عملتيه لأرميه بحلته في الشارع
************ ********* ****تاجر مخدرات راح يخطب واحدة
بيسأله أبوها أنت بتشتغل أيه؟
قال له فني تكييف
************ ********* ****واحد بيقول لصاحبه الرجاله هيعطوهم ستات قشطة في الجنة
قال له والستات بتوعنا هيروحوا فين؟
قال له هيعذبوا بيهم الكفار
************ ********* **** تفتكر ليه لبان كوكو واوا مبقاش موجود فى السوق؟
عشان كوكو خف
************ ********* ****واحد راح لشيخ وقال له هو ينفع أصلي جماعة ورا الإمام في التليفزيون؟
قال له : ما تحط ملايه سودا على التلاجة وتحج بالمرة
************ ********* ****
واحد مصري اتجوز واحدة صينية باسها بوستين وباظت
************ ********* ****
صعيدي دعى ربنا 15 سنة يرزقه بولد
نزل ملك من السما قال له أبوس إيد أمك أتجوز
************ ********* ****
واحد بيقول لحبيبته يمكن مكونش غني ولا عندى فلوس ولا فيلا ولا عربية
زي محسن صاحبي بس بحبك فحضنته ودمعت وقالت له لو بتحبني بجد عرفني على محسن
************ ********* ****مذيع بيسأل صعيدي: أحمد زويل اخد جايزة نوبل في إيه؟؟
قال له في علبة قطيفة حمرا
********* ****
هو ليه فيه سندباد ومفيش هندباد؟
مع أنه فيه جوز هند بس مفيش جوز سند!
و ليه فيه شهرزاد ومفيش أسبوع زاد ؟؟
و ليه فيه باكستاني ومفيش باكستالت ولا رابع؟؟
أكيد ربنا له حكمة..
محشش يتأمل ملكوت الله
*******
محشش عنده 85 سنة راح مكتب تأمين على الحياة الموظف قال له أنت سنك كبير مينفعش تأمن على حياتك قال له ليه ده أبويا كان هنا إمبارح وعمل تأمين عندكم تعجب الموظف وقال له تعال بكرة نشوف لك حل
قال له بكرة مشغول عندي فرح جدي, سأله الموظف أنت جدك عايش وعايز يتجوز؟؟
قال له الصراحة ماكنش عايز بس أبوه وأمه ضاغطين عليه
*******
صعيدي فى الجيش بيقول لعسكرى زميله فى الحرب: أنت من دشنا؟؟
قال له لأ
راح ضربه بالنار وقال له تبقى من ديش العدو
*******
ندل أنقذ شخص كان بيتحرق
كرموه وسألوه إيه سبب شجاعتك؟
قال لهم انقذته لسببين
الأول: علشان ميموتش شهيد
الثاني: علشان يعيش بقية حياته مشوه
*******
ظابط قبض على طفل بيشم
قال له :الشمام الصغير اللي معانا اسمه إيه؟؟
قال الطفل له: اسمه كانتالوب يا باشا
*******
صعيدي شغال سواق تاكسي في الصين
كل ما حد يشاورله يقول له : يلعن أبو شكلك أنا لسة موصلك
*******
واحد بيقول لصاحبه بتحب أبوك ولا اللحمة؟؟
قال له أنت عبيط ؟ دي الشوربة بس برقبته
*******
عصفور صدمته عربية و أغمى عليه
صاحب العربية وقف واخده البيت وحطه في قفص
صحى العصفور لقى نفسه في القفص مسجون قال معقوله يكون الراجل مات !!
*******
واد فرفور أبوه جاب له شريط إسلامى يمكن ينصلح حاله
رجع البيت لقاه متحجب
*******
صعيدي طلب يتعين في مجلس الشعب
قالوا له أنت أهبل !
قال لهم يعنى لازم الشرط ده؟؟
*******
بخيل جاله ضيوف قال لمراته بفكر أدبح البغبغان ونعمل شوربة و فته و نشوي الضلوع على الفحم والجناح نعمله هواية ونعمل لحمة راس من المخ ونقلي الكبد والقوانص
رد البغبغان:ما تحلبنى بالمرة عشان تعمل لك رز بلبن يا روح أمك
*******
صيني عايز يشتري 10 علب كوكاكولا
دخل محل بقالة فيه بياع صعيدي
قال له : ين شين شانج كوكاكولا
الصعيدي قال له: بتقول 10 علب أيه؟
*******
صعيدي بيقول للتاني: بيجولوا البابا شنوده وجع في البانيو واتكسرت رجله
التاني قال له : أيه البانيو ده؟؟
قال له : وأنا أيش عرفنى هوا أنا مسيحي؟
*******
سألوا صعيدي: إيه أخبار الصيام؟
رد وقال : والله لولا الوضوء كنا متنا من العطش
*******
صعيدي عايز يشنق نفسه من رجليه سألوه ليه؟
قال جربت من رقبتي كنت هموت
*******
تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا
الأول دفع الاجرة, والتانى قال له شكرا , والتالت ضربه على قفاه و قاله متبقاش تجري بسرعة مرة تانية
*******
واحد واقف أمام الكعبة بيدعي: يارب سامحني على كل كلمة قلتها على الصعايدة
مر عليه صعيدى وسأله: هى القبلة منين؟
قال له شفت يارب هما اللي بينكشوني
*******
بخيل مات طلع له بيتين في الجنة
باع واحد وأجر واحد وسكن مع اخوه في جهنم
*******
سألوا الرئيس مبارك عن رأيه فى التغيير
قال: التغيير ده سنة الحياة
قالوا: طب وسيادتك مش هتتغير؟؟
قال: أنا فرض مش سنة
*******
محشش قالوا له التدخين يؤدي إلى الموت البطئ
قال لهم أنا أساسا مش مستعجل
*******
ديك بيقول لفرخة أنتي كل يوم تبيضي وعمرك ما كلتي بيض, قالت له ما أنت كل يوم بتدن وعمرك ما ركعت
*******
محشش بيقول لصيدلي عندك شريط للبرد؟
قاله: آه
قاله شغله خلينا نسمع
*******
مجانين شغل لهم الدكتور أغنية
قاموا كلهم يرقصوا إلا واحد
الدكتور فرح وسأله أنت ليه مش بترقص معاهم؟
قال له أصل أنا العروسة
*******
محشش في امتحان تعبير ومطلوب 10 صفحات
فكتب فى أول صفحة " ركب الرجل الحصان" وفى آخر صفحة "نزل الرجل من على الحصان"
وبينهم " درجن درجن درجن"
*******
بخيل عمل شوربة لحمة سألوه فين اللحمة؟
قال لهم : يعني شاي العروسة فيه عروسة؟
*******
واحد محشش أتصل بالبوليس وقاله: هوا الواحد إن مكنش يسأل عليكوا متسألوش أنتو؟
*******
واحد صعيدي مثقف أوى بعت رساله لأخوه بيقول له:
Open happy wrote his book on in in Friday
يقصد:
فتحي سعيد كتب كتابه على فيفي جمعة
*******
حرامي بيقول لأمه الدنيا معدش فيها اخلاص
بسرق محفظة أبويا لقيت محفظتي معاه
*******
محشش وقفوه في كمين سألوه مش رابط الحزام ليه؟
رد أنا أصلا مش لابس البنطلون
*******
أفريقى و ابنه من آكلة لحوم البشر خرجوا يشوفوا شغلهم فاصطادوا هيفاء وهبي
الولد قال لأبوه نوديها البيت وناكلها
قال له لا نوديها البيت وناكل أمك
*******
واحد بينسى جدا راح للدكتور
قال الدكتور: له لو عايز تخف روح الحج يمكن ربنا يشفيك
راح الراجل حج, و هوا راجع قعد يفكر نفسه بالمناسك
طواف وطوفنا, سعى وسعينا, وعلى عرفه وقفنا
ناسى إيه يا بطرس
ناسى إيه يا بطرس !!
*******
واحد مسطول ماشي بعربيته عكس الأتجاه
سمع المذيعة في الراديو بتقول: الشرطة تلاحق واحد يمشى عكس الاتجاه
قال لنفسه: هههه هوا واحد بس دنا شايف عشرين لحد دلوقتي
*******
مسطول ضرب ظابط وموته واتصل ب 122 و قال لهم أحب أبلغكم انكم بقيتوا 121
*******
واحد سأل شيخ لو شفت أسد وأنا بصلي أكمل الصلاة؟
قال له: لو لسة على وضوءك كمل
*******
راجل قام من النوم على صوت زعيق سأل الجيران فيه ايه؟ قالوا له تصدق الميه مسممة
مراته صحيت سألته في إيه؟
قال لها : الميه هتقطع اشربي ونامي
*******
عاجل..عصابة خطفت الريس وطلبت 15 مليون دولار أو يحرقوه بجاز
احنا بنلم للريس
الرجاء التبرع بلترين جاز
*******
صعيدي قاعد على الشط شاف واحد بيغرق
كل ما يرفع ايده
يقول له وعليكم السلام ورحمة الله
*******
سألوا مصري ليه المصريين بيحلفوا كتير؟
قال: طب والله العظيم دي إشاعة
قسما بالله ده افترى
و المصحف ماهواش صحيح
وعهد الله ده ظلم
وربنا احنا مش كدة
*******
صعيدي مش عايز يرد على صاحبه بعتله رساله
أنا ناسى الموبيل في البيت
*******
صعيدي المضيفة بتسأله: اجيب لك عشا كامل؟
قال لها: ليه هوا كامل مش هيتعشى؟؟
*******
صرصار بيجرى ورا عربية المجاري سألوه ليه؟
قال لهم ابن الكلب شفط المدام
*******
واحدة بتقول لشيخ انا بصلي ومحجبة وبقرأ قرءان
قال لها ده مفتاح الجنة
واحدة تانية بتقوله انا بحب ألبس شورتات ومايوهات
قال لها وده مفتاح الشقة
*******
واحد فاز بمليون جنيه راح يقول لمراته فماتت من الفرحة قال سبحان الله الخير لما بييجي بييجي كله مرة واحدة
*******
صعيدي سرق مليون جنيه خدهم و شالهم في حفرة وكتب "مفيش فلوس هنا"
راح حمدان ابن عمه خدهم وكتب " حمدان مخدش حاجة"
*******
واحد ومراته متخانقين وهما مسافرين بالعربية شافوا عزبة بقر قال لها: يقربولك دول؟
قالت له: آه دول أهل جوزي
*******
واحد راح للدكتور وحكى له عن حالته وقال له أنا كل ما أصحى من النوم ألاقي نفسي مندهش
راح الدكتور كاتب له علاج فصحى تانى يوم لقى نفسه مش مندهش فاندهش ..
*******
صعيدي مسكوه مع شبكة إرهابية قالوا له إيه آخر عملية عملتها؟ قال البواسير
*******
غبي بيشنقوه شاور لهم بإيده
نزلوه وسألوه فى إيه؟
قال لهم: كنت هموت من عملتكم يا جزم
*******
واحدة وحشة أوي داخلة الحمام فبتقول " أعوذ بالله من الخبث و الخبائث"
الشيطان قال لها: من غير ما تقولي أنا كدة كدة طالع
*******
واحد مصري قاعد يصلي سمع اتنين بيشكروا أوي في صلاته
وإيمانه
قطع صلاته وقال لهم لا وصايم كمان
*******
بلدينا بيقول لبلدينا: أنا تعبان من الروماتيزم"
ردعليه وقال له:وأنا جرجاوي من فرشوط "
*******
