فيلم ماسح الاحذيه 00الفيلم الهندى الشهير0000وسهره فى سينما بالإسكندريه

الافلام الهنديه راجت فى مصر وإزدهرت وأصبح لها شهره طاغيه خلال عقدى الستينات والسبعينات0وهناك افلام اصبحت علامات بارزه ويؤرخ بها ولها فى مصر مثال افلام سانجام00والفيل صديقى 000وجاء فيلم ماسح الاحذيه وهويحكى قصه معاناه طفل صغير0ويبدو انه كان فيلما مؤثرا قمه فى الدراما والمأساه000كنت فى زياره للإسكندريه لزياره صديق 00وأكرم الرجل وفادتى زيارات لاماكن شهيره وغذاء من أجود الاسماك الطازجه واراد ان يكمل الثلاثيه فعزمنى على السينما وانا من عشاق افلام الطبيعه او الافلام الكوميديه 00يعنى مش ناقص نكد 0ودخول افلام تزود احزانى 0000هذا فيلم الموسم وعامل واسطه لحجز التذاكر 00ودخلت الفيلم (ماسح الاحذيه ) وانا اعرف جيدا ومدرب على كيف اعمل إنفصال عن النكد أو ان يشدنى الفيلم فانا اتابعه وذهنى وعقلى مشغول أغنى فى سرى أغنيه لام كثوم الورد جميل 000جميل الورد000وبعد أقل من نصف ساعه من بدايه الفيلم أحسست ان السينما تهتز وكأن هناك زلزال 000 وبدأت أحس بحبات مياه تتساقط على 000 السينما مغطاه وليست سينما صيفى ونظرت حولى موجات من البكاء والتأثر 00 لاحول ولاقوه إلا بالله 00 ونظرت إلى صديقى وقلت هوه فيه أيه 000 فرد بصوت مختنق ودموعه تتساقط بشكل منهمر00يعنى منتاش شايف 000 شايف ابه يابن الحلال 000 بدأ كل من حولى ينظرون إلى ويكادوا ان يفتكوا بى 000 قال صديقى 000يالا بينا بلاش نكمل الفيلم 000وهمس فى أذنى لو طولت أكثر من كده هيبقى فيه خناقه وممكن ما قدرش احميك الاحسن نمشو 000 عليه العوض فى التذاكر 000واناخارج ماتزعلش يا حسن 00المره الجايه سأدرب نفسى على البكاء 000 رد هوة فية مره 000جايه 000ده كده حلو قوى0